Espazo Orixe: talleres de Nadal no CAM Lugo

Espazo Orixe: talleres de Nadal no CAM Lugo

Talleres de tecido botánico, velas e coroas naturais xunto ao Miño

Estampa os teus panos de mesa con follas, fai unha vela con aromas de inverno ou crea unha coroa con ramas dos parques de Lugo. É Espazo Orixe, o Nadal do CAM Lugo, ao pé do Camino Primitivo.

O Coliving Artístico Municipal (CAM Lugo) ocupa la antiga casa do pintor e escultor lucense Gómez Pacios, no barrio do Carme, rehabilitada polo Concello. Está entre a cidade e o Miño e ten un amplo xardín aberto ao público. Alí celébranse tres talleres de artesanía con materiais naturais. En cada un fas a túa propia peza e lévascha a casa.

Téxtil Festivo. Estampaxe botánica (ecoprint) e serigrafía a man sobre liño e algodón orgánico. As follas de castiñeiro e eucalipto, os fentos e as bagas de sabugueiro deixan a súa forma e a súa cor na tea. Lévasche a túa peza nunha caixa cun selo de autor que deseñas no propio taller. Hai dúas quendas de 2 horas e media, con 15 prazas cada un, e en cada un faise unha peza distinta:

  • Domingo 6 de decembro, de 11.00 a 13.30: camiño de mesa de liño.
  • Martes 8 de decembro (festivo), de 11.00 a 13.30: panos de mesa con tinguiduras naturais.

Alquimia da Cera. Velas aromáticas de cera vexetal con aceites esenciais de piñeiro, cedro, canela e pel de laranxa. Hai dúas quendas de 2 horas, con 15 prazas cada un:

  • Venres 11 de decembro, de 17.30 a 19.30: vela de cera de soia nun recipiente de cerámica local.
  • Sábado 12 de decembro, de 11.30 a 13.30: perfume sólido e pastillas de cera con flores secas para quemador.

Coroa Viva. Coroas e centros de mesa feitos con ramas de bidueiro, salgueiro e loureiro de la poda dos parques de Lugo, musgo, piñas e cintas de algodón ou de veludo reciclado. Non se usan espumas florais nin plásticos. Hai dúas quendas de 2 horas, con 15 prazas cada un:

  • Sábado 19 de decembro, de 11.00 a 13.00: coroa de porta.
  • Domingo 20 de decembro, de 11.00 a 13.00: centro de mesa colgante con musgo.

Árbore dos Desexos. O sábado 5 de decembro, de 17.30 a 19.00, acéndense as luces do xardín e cólganse os primeiros desexos na árbore central. O acto está aberto a todo o mundo. A partir dese día, a árbore vaise enchendo de pequenos adornos e desexos escritos a man sobre madeira ou soportes vexetais. Pode participar calquera persoa que visite o CAM, fose ou non aos talleres. Unhas grilandas de luz cálida iluminan a árbore e as pezas. A instalación pódese ver ata o 7 de xaneiro.

A ter en conta: todos os materiais están incluídos. As prazas dos talleres son limitadas.Podes inscribirte no seguinte enlace:
https://forms.gle/ceJ2qwtVPp6WTKeV8