Mercado de Nadal na Praza Maior
Do 4 de decembro de 2026 ao 5 de xaneiro de 2027, o Mercado de Nadal instálase na Praza Maior de Lugo. Vinte casetas de madeira ocupan os paseos empedrados entre os xardíns: 16 de venda e 4 de restauración. Cada caseta ten grilandas de abeto, unha cortina de luz no mostrador e unha árbore iluminada á beira. Na zona de descanso hai mesas de picnic para sentarse a tomar algo.
Que ver
- Poboado de Nadal. Cinco casiñas de madeira de cores, unha ponte sobre unha lámina de auga, árbores iluminadas e céspede natural, con renos e bonecos de neve feitos con troncos.
- Recuncho doce. Xunto ao poboado hai bastóns de caramelo e piruletas xigantes de madeira.
- Xardín de figuras. Tres camelos de madeira de máis de dous metros acompañan ás caixas de correos dos Reis Magos. Ao redor queda espazo libre para facerse fotos, e chégase en cadeira de rodas.
- Caseta de recepción. Ata o 24 de decembro é «A cabana do bosque», a cabana de Papá Noel e o Apalpador. Desde o 26 convértese en «A tenda de Oriente», onde recibe o Emisario Real. A cada lado da caseta hai un farol de madeira de catro metros.
- Recuncho das caixas de correos. Fronte ás casetas de actividades están a caixa de correos de Papá Noel e a caixa de correos «Bo Nadal», xunto a unha casiña do Nadal e un reno con lazo.
En toda a praza hai 28 árbores de Nadal decorados, 600 metros de luces LED de ton cálido e música do Nadal. A decoración é de madeira reutilizada ou certificada e de materiais naturais como palla, cortizas e piñas. Non se usan inchables nin plásticos dun só uso.
Horario
- Todos os días: de 11.00 a 14.30 e de 16.30 a 21.00.
- 24 e 31 de decembro: de 11.00 a 14.30.
- 25 de decembro e 1 de xaneiro: sen actividades.
Actividades no mercado
No mercado hai visitas de Papá Noel, o Apalpador e o Emisario Real, espectáculos, talleres infantís, xogos tradicionais de madeira e chocolatada solidaria. Algunhas mañás, de 11.00 a 12.00, apágase a música e as luces deixan de parpadear para persoas con discapacidade, trastorno do espectro autista ou hipersensibilidade sensorial. Atoparás as datas e os horarios de cada actividade na súa ficha do mapa.
Do 9 ao 28 de decembro, en dez tardes concretas e de 16.30 a 18.30, as asociacións sen ánimo de lucro de Lugo teñen un espazo na caseta de espectáculos para dar a coñecer o que fan.
Accesibilidade
Un itinerario sen chanzos, de polo menos 1,50 metros de ancho, une todos os accesos, as casetas, o poboado e a recepción. Os desniveis sálvanse con ramplas suaves, e os cables que cruzan o paso van cubertos con pasacables baixos de cor contrastada. Xunto á caseta de recepción hai un aseo adaptado, e polo menos unha mesa de picnic ten oco para cadeira de rodas. As actividades son en galego e en castelán.
Se vés desde a zona norte, podes pasar tamén polos carruseis da praza de Agro do Rolo e a praza de Ferrol, que funcionan do 18 de decembro ao 6 de xaneiro.
Esta actividade forma parte do Plan de Actuación Integrado Novo Norte, cofinanciado nun 60% por la Unión Europea a través do Fondo Europeo de Desenvolvemento Rexional (FEDER).